لاہور (سپورٹس رپورٹر) پیرنٹس ٹینس لورز جونیئر نیشنل ٹینس چیمپئن شپ 2024 کا باضابطہ افتتاح پنجاب ٹینس اکیڈمی باغ جناح میں ہو گیا۔پیرنٹس ٹینس لورز ایسوسی ایشن کے صدر سید ساجد علی بخاری اور چیئرمین رشید ملک نے افتتاحی تقریب میں بطور مہمان خصوصی شرکت کی اور رنگا رنگ افتتاحی تقریب کے دوران اس پر وقار ٹورنامنٹ کا افتتاح کیا۔ سیکرٹری اعظم بھٹی، فنانس سیکرٹری فہیم صدیقی، ضیاء اللہ خان، خلیل چودھری ودیگر بھی موجود تھے۔ بوائز انڈر 18 کے پہلے راؤنڈ میں محمد سالار نے ابوبکر خلیل کو 6-0، 6-0 سے، شہریار انیس نے ریحان شاہد کو 6-1، 6-4، عبداللہ پیر زادہ نے حنظلہ انور کو 6-1، 6-2 سے شکست دی۔ امیر مزاری نے یافت ندیم کو 6-2، 6-3 سے، نبیل قیوم نے عبدالرحمن پیر زادہ کو 6-2، 6-0 سے شکست دی۔بوائز انڈر 16 کے پہلے راؤنڈ میں امیر مزاری نے ریحان شاہد کو 6-2، 6-2 سے، روحاب فیصل نے نبیل قیوم کو 6-4، 6-2، عبدالرحمن نے احمد خدا بخش کو 6-0، 6-1، محمد نے یحییٰ نے ابوبکر خلیل کو 6-1، 6-1 سے، عبداللہ پیر زادہ نے ایم عمر علی کو 6-2، 6-1 سے شکست دی۔ اگلے راؤنڈ میں عمر جواد نے عبدالرحمان کو 6-2، 6-1 سے اور امید مزاری نے انعام قادر کو 6-0، 6-0 سے شکست دی۔