لاہور(سپورٹس رپورٹر)نیشنل ویمنز ون ڈے ٹورنامنٹ میں  کوئٹہ، ملتان اور لاہور نے کامیابی حاصل کرلی۔کوئٹہ نے پشاور کو 16 رنز سے ہرادیا۔ کوئٹہ کی ٹیم 175 رنز بناکر آؤٹ ہوگئی۔ عریجہ حسیب 46 رنز بناکر ٹاپ سکورر رہیں۔پشاور کی ٹیم 159 رنز بناکر آؤٹ ہوگئی۔ طیبہ عماد نے 44 رنز بنائے۔رامین شمیم نے4 وکٹیں حاصل کیں۔ لاہور نے کراچی کو ہرادیا۔ میچ کا فیصلہ سپر اوور میں ہوا۔لاہور نے 43 اوورز میں چار وکٹوں پر 138 رنز بنائے۔ بارش کے سبب کراچی کو167 رنز کا ہدف دیا گیا کراچی کی ٹیم 43 اوورز میں 166 رنز بناپائی۔ میچ ٹائی ہوگیا۔ سپر اوور میں لاہور نے کامیابی حاصل کرلی۔ ملتان نے راولپنڈی کو 141 رنز سے ہرادیا۔ ملتان نے7 وکٹوں پر 240 رنز بنائے۔ گل فیروزہ نے 142 رنز بنائے۔راولپنڈی کی ٹیم 25.5 اوورز میں 99 رنز بناکر آؤٹ ہوگئی۔ گل فیروزہ پلیئر آف دی میچ قرار پائیں۔