لاہور( خصوصی نامہ نگار ) تحریک صراط مستقیم کے زیر اہتمام چلنے والے مدارس میں نئے تعلیمی سال کا آغاز کل صبح 09بجے ہو گا۔ مرکز صراط مستقیم، جامعہ جلالیہ رضویہ مظہر الاسلام اور دیگر برانچز کے نئے تعلیمی سال کے اسباق کا افتتاح ہو گا۔ تحریک لبیک یارسول اللہؐکے سربراہ اور تحریک صراط مستقیم کے بانی ڈاکٹر محمدا شرف آصف جلالی ’’بسم اللہ‘‘ پڑھائیں گے۔ دورہء حدیث شریف، تخصص فی الفقہ و العقائد، درس نظامی، شعبہ حفظ اور شعبہ تجوید میں داخلہ شروع ہو چکا ہے۔