شرقپور: نامعلوم افراد نے نوجوان کو قتل کر دیا‘ اہل علاقہ کا احتجاج
شرقپورشریف (نامہ نگار)برج اٹاری میں پٹرول پمپ پر نوجوان کو قتل کر دیا گیا۔ موضع برج اٹاری میں پٹرول پمپ پر کام کرنے والا نوجوان سلیمان کا تین نامعلوم موٹر سائیکل سواروں کے ساتھ پٹرول کے پیسے نہ دینے پر تنازعہ ہوا۔ جس کی بنا پر نامعلوم موٹر سائیکل سوار نے فائرنگ کرکے سلیمان کو قتل کر دیا اور موقع سے فرار ہو گئے۔ اہلیان علاقہ نے احتجاجا برج اٹاری سٹاپ لاہور روڈ بلاک کر دی۔
