شیخوپورہ+ نواں کوٹ (نمائندہ نوائے وقت+ نمائندہ خصوصی+ نامہ نگار)ڈکیتی چوری کی وارداتوں میں کئی شہری لٹ گئے۔ دوران ڈکیتی ملزموں کی فائرنگ سے راہگیرخاتون سمیت 3 افراد زخمی ہو گئے ریسکیواہلکاروں نے زخمیوں کو ہسپتال منتقل کردیا پولیس نے واقعہ کو لڑائی جھگڑا قرار دے دیا، تھانہ فیکٹری ایریا کے علاقہ منڈیالی پنڈ میں 2 ملزموں نے موٹرسائیکل سواروں کو رکنے کااعشارہ کیا موٹرسائیکل نہ روکنے پر مبینہ ڈاکوؤں نے فائرنگ کردی گولی لگنے سے راہگیر خاتون سمیت 3 افراد زخمی ہو گئے ریسکیواہلکاروں نے تینوں زخمیوں کو طبی امداد دیتے ہوئے ہسپتال منتقل کردیا،پولیس کے مطابق کلیم اللہ کی کال پر پولیس جائے وقوعہ پر پہنچی کہ 2 نامعلوم موٹرسائیکل سواروں نے لقمان اورشاہ برام پر فائرنگ کی گولیوں کی زد میں آکر راہگیر خاتون عادیہ فیاض بھی زخمی ہوگئی تینوں زخمیوں کو ریسکیواہلکاروں نے طبی امداد دیتے  ہوئے ہسپتال منتقل کردیا مذکورہ واقعہ کا مقدمہ متاثرین کی تحریری درخواست پر درج کیاجائے گا،بھکھی نہر پرڈاکوؤں نے فیروز وٹواں کے رہائشی ناظم اوراسلم کویرغمال بنا کر 7 لاکھ روپے اور موبائلز چھین لئے ۔ تھانہ اے ڈویژن کے علاقہ بھکھی روڈ گلی فیصل ورک والی میں چوروں کے گروہ نے عبدالرحمن کے گھر داخل ہوکر وہاں سے پانچ لاکھ روپے ‘ طلائی زیورات اور قیمتی سامان چوری کرلیا اور فرار ہوگئے۔