اوکاڑہ+ گگو منڈی+ بورے والا+ گوجرہ+ نوشہرہ ورکاں (نامہ نگاران + نمائندہ نوائے وقت) اوباشوں نے اوکاڑہ ، گوجرہ ، گگو منڈی ‘ پتوکی‘ نوشہرہ ورکاں میں لڑکیوں اوربچوں کو ہوس کا نشانہ بناڈالا ۔ اوکاڑہ  گوگیرہ کے گائوں کی 16سالہ (م) دکان سے سودا سلف خریدنے گئی 2 خواتین اسے ورغلا کر فصل مکئی میں لے گئیں‘ جہاں  موجود ملزم شاہد، علی اکبر اور نعیم نے زبردستی زیادتی کرڈالی۔   ایک اور واقعہ میں یاسر غلام رسول کے 3 بیٹے صابری کالونی میں عبدالرحمان  کے سیلون پر کٹنگ کرانے گئے۔   دو بچے کٹنگ کے بعدواپس آگئے جبکہ 11 سالہ لڑکے کو ملزم ہیئرڈریسر نے زیادتی کا نشانہ بناڈالا۔ اسی طرح اوباشوں نے 2 خواتین کو جنسی ہوس کا نشانہ بنایا۔ محمد بابر نے تھانہ صدر گوجرہ میں مقدمہ درج کراتے  بتایا  اسکی اہلیہ گھر میں مو جود تھی کہ علی شیر وغیرہ 3افراد آ گئے اور اسلحہ کے زور پر اسے زیادتی کا نشانہ بنا ڈالا۔ علاوہ ازیں خالد محمود نے تھانہ نواں لاہور میں مقدمہ درج کرایا ہے کہ گائوں کی بیوہ خاتون اسکی ملازمہ ہے جس کو محمد عدنان نے زبردستی زیادتی کا نشانہ بنایا ہے‘ حق نواز نے تھانہ صدر گوجرہ میں مقدمہ درج کرایا کہ اسکی بھابھی گھر میں موجود تھی وارث نے  ساتھی کے ہمراہ اس اسکے ساتھ زیادتی کی کوشش کی‘ شور مچانے پر ملزم فرار ہو گئے۔ ظفرکالونی کی (غ) گھر میں موجود تھی کہ اسکا بہنوئی عبدالجبار اسے اسکے بھائی کے ایکسیڈنٹ کا کہہ کر ہمراہ لے گیا اور اپنے ماچھی دوست کے گھر دونوں نے اجتماعی زیادتی کا نشانہ بنایا جبکہ مزاحمت پر ڈنڈوں سے اس پر تشدد بھی کرتا رہا‘ ملزم کی بیوی نے تھانہ صدر سے رجوع کر لیا۔ تھانہ سٹی پتوکی کے علاقہ میں ملزم یاسر (ح) کیساتھ ناجائز تعلقات کی بنا مسلسل زیادتی کرتا رہا بعدازں اسکے  حاملہ ہونے پر شادی سے انکاری ہوگیا۔ پولیس نے مقدمات درج کرلیے ہیں۔نوشہرہ ورکاں کے گائوں ماڑی کوٹ میں نواز بیٹوں کے ہمراہ گندم کی کٹائی میں مصروف تھا کہ 2 اوباش آکاش اور مرکس مسیح بکریاں چراتے اسکے 8سالہ بیٹے (ذ) کو قریبی پکے کھال میں لے گئے جہاں ملزم اسکے ساتھ زیادتی میں مصروف تھے کہ بچے کے باپ نواز کو آتا دیکھ کر موقع سے فرار ہوگئے۔