فیروز والہ (نامہ نگار)کار سوار 5 مسلح افراد نے نوجوان محمد احسن ریاض کو اغوا کر لیا ۔ اغوا کار اسے مختلف مقامات پر یرغمال بنا کر پھرتے رہے اور پھر ویران جگہ پر لے جا کر گن پوائنٹ پر 5 لاکھ 5 ہزار روپے اور موبائل فون چھین لیا اور تھانہ اے ڈویژن کے علاقے میں سڑک پھینک کر فرار ہوگئے۔ ملزمان نے گن پوائنٹ پر محمد احسن ریاض کے اے ٹی ایم کارڈ کے ذریعے رقم بینک سے رقم بھی نکلوائی۔ محمد احسن ریاض کا تعلق علاقہ چوہنگ سے ہے جس کو جوبلی ٹاؤن چوہنگ سے اغواء کیا گیا تھا۔ تھانہ چوہنگ پولیس کو آگاہ کر دیا گیا ہے۔ اتحاد چوک کے قریب ڈاکووں نے گن پوائنٹ پر میاں بیوی کولوٹ لیا‘ ہزاروں روپے نقدی‘2 موبائل اور کانوں کی طلائی بالیاں بھی اتروا کر لے گئے ۔خان پور کے قریب ڈاکووں نے فیکٹری کے ملازم مشتاق علی سے تنخواہ کی رقم موٹر سائیکل اور موبائل چھین کر لے گئے ۔اسی جگہ پر ڈاکو ریاض اور جاوید سے ہزاروں روپے کی رقم اور تین موبائل چھین کر فرار ہو گئے ۔چک نمبر 32 کے قریب 2 موٹرسائیکل سوار ڈاکو نوجوان زمیندار محمد عمران سے موٹرسائیکل‘ موبائل اور رقم چھین کر لے گئے۔