لاہور (خبرنگار) لاہور ہائی کورٹ نے 2015 کے قصور ویڈیو سکینڈل کے 2 مجرمان کی عمر قید کے خلاف اپیلیں منظور کرتے ہوئے انہیں بری کر دیا۔ جسٹس شہرام سرور چوہدری کی سربراہی میں 2 رکنی بنچ نے اپیلوں پر فیصلہ سنایا۔ اس موقع پر مجرموں کی جانب سے عابد حسین کچھی ایڈووکیٹ عدالت میں پیش ہوئے، وکیل اپیل کنندہ نے مؤقف اپنایا کہ گواہوں کے بیانات میں تضاد کے باعث ملزمان کو بری کیا جائے۔ لاہور ہائی کورٹ نے قصور ویڈیو سکینڈل میں عمر قید کی سزا پانے والے حسیم عامر اور فیضان مجید کی اپیلوں کو منظور کرلیا۔ یاد رہے کہ 13 دسمبر 2023 کو بھی لاہور ہائی کورٹ نے 2015 کے قصور ویڈیو سکینڈل کے 3 مرکزی مجرمان کو بری کر دیا تھا۔