فیروزوالہ( نامہ نگار) جی ٹی روڈ پر ٹریفک کے مختلف حادثات میں خاتون سمیت تین افراد ہلاک اور چار افراد زخمی ہو گئے جنہیںہسپتال داخل کرا دیا گیا۔ جی ٹی روڈ پر سیم نالہ کے قریب تیر رفتار کیری ڈبہ بے قابو ہو کر موٹر سائیکل سواروں سے ٹکرا گیا‘ ایک نوجوان ہلاک اس کا ساتھی شدید زخمی ہوگئے ‘جنہیں ہسپتال داخل کرا دیاگیا۔ لاہورروڈ ٹول پلازہ کے قریب تیز رفتار ٹرک بے قابو ہو کر موٹر سائیکل سے ٹکرا گیا‘ موٹر سائیکل سوار نوجوان سہیل احمد موقع پر جاں بحق ہوگیا ۔متوفی سریانوالہ کا رہنے والا تھا۔ لاہور روڈ پر قریب موٹر سائیکل کے حادثہ میں  خاتون شازیہ بی بی جاں بحق جبکہ اس کے خاوندسمیت دو افراد زخمی ہوگئے۔ لاہور روڈ پر رکشہ الٹنے سے دو افراد زخمی ہو گئے۔