لاہور(سپورٹس رپورٹر)انگلینڈ نے پاکستان سے سیریز اور ٹی ٹونٹی ورلڈ کپ کیلئے اپنے سکواڈ کا اعلان کر دیا۔انگلش سکواڈ میں فاسٹ بائولر جوفرا آرچر کی واپسی ہوئی ہے۔ انگلش ٹیم کی قیادت جوز بٹلر کرینگے۔ سکواڈ میں معین علی، جونی بیئرسٹو، ہیری بروک، سیم کرن اور بین ڈکٹ شامل ہیں۔ٹوم ہارٹلے، ول جیکس، کرس جورڈن، لیام لونگسٹن، عادل رشید، فل سالٹ، ریس ٹاپلے اور مارک ووڈ بھی انگلش سکواڈ کا حصہ ہیں۔ آئرلینڈ اور انگلینڈ کے آئندہ دوروں کیلئے پاکستانی سکواڈ جلد تشکیل دیا جائیگا، زخمی کھلاڑیوں رضوان، اعظم خان اور عرفان نیازی مکمل فٹنس حاصل کرنے کے قریب ہیں جبکہ حارث رؤف فٹنس بحال کررہے ہیں۔سلیکٹرز دوروں کے دوران کھلاڑیوں کی کارکردگی کا جائزہ لینے کا ارادہ رکھتے ہیں تاکہ آئی سی سی کی 25 مئی کی آخری تاریخ کو بروئے کار لاتے ہوئے جون میں ہونیوالے T20 ورلڈ کپ کیلئے سکواڈ کا تعین کیا جا سکے۔ آئرلینڈ سیریز کیلئے ٹیم کا اعلان کھلاڑیوں کی فٹنس کی صورتحال واضح ہونے کے بعد کیا جائیگا۔  ایک مختصر تربیتی کیمپ 3 مئی کو لاہور میں شروع ہونے والا ہے۔ سکواڈ کا اعلان جلد متوقع ہے ۔