بہاولپور (نوائے وقت رپورٹ) بہاولپور میں سی ٹی پی اور دہشتگردوں کے درمیان فائرنگ کا تبادلہ ہوا، جس میں زیر حراست کالعدم ٹی ٹی پی کے دو دہشتگرد ساتھیوں کی فائرنگ سے ہلاک ہو گئے۔ ترجمان نے سی ٹی ڈی کے مطابق دونوں دہشتگردوں کو حاصل پور سے ایک قتل کی تفتیش کے دوران گرفتار کیا گیا تھا۔ ہلاک دہشتگردوں کا نیٹ ورک ریاض حسین پیرزادہ کے قتل کی منصوبہ بندی کر چکا  تھا۔ دہشتگرد عدیل عرف سیف اللہ خراسانی اور زین عرف اسد اللہ خراسانی کو نشاندہی کیلئے لے جایا جا رہا تھا۔ نشاندہی کیلئے لے جاتے ہوئے ہلاک دہشتگردوں کے ساتھیوں نے گھات لگا کر فائرنگ کی، فائرنگ کرنے والے دہشت گردوں کی تلاش جاری ہے۔