نائب وزیر اعظم اسحاق ڈار او آئی سی کے15ویں سربراہی اجلاس میں شرکت کے لئے گیمبیا پہنچ گئے
اسلام آباد (خبر نگار خصوصی) نائب وزیر اعظم اور وزیر خارجہ اسحاق ڈار او آئی سی کے15ویں سربراہی اجلاس میں شرکت کے لئے گیمبیا کے شہر بانجول پہنچ گئے۔ دفتر خارجہ سے جاری بیان کے مطابق گیمبیا کے وزیر پٹرولیم و توانائی نانی جوارا، سیکرٹری خارجہ ایمبیسیڈر سائرس سجاد قاضی اور سینیگال میں پاکستان کی سفیر سمیعہ میمونہ سید نے ان کا استقبال کیا۔ اسحاق ڈار وزرائے خارجہ کونسل کے اجلاس میں شرکت اور سربراہی اجلاس کے موقع پردوسرے ممالک کے رہنمائوں سے ملاقاتیں بھی کریں گے۔
