لاہور(سپورٹس رپورٹر)سلطان اذلان شاہ کپ میں پاکستان ہاکی ٹیم اپنے سفر کا آغاز میزبان چار مئی کو میزبان ملائیشیا کیخلاف میچ سے کریگی۔ 11 مئی تک ملائیشیا میں کھیلے جانیوالے آٹھ روزہ ایونٹ میں پاکستان، ملائیشیا، نیوزی لینڈ ، کوریا، جاپان اور کینیڈا شرکت کررہے ہیں۔ پاکستان دوسرا میچ 5 مئی کو کوریا، تیسرا میچ جاپان سے 7 مئی، چوتھا 8مئی کو کینیڈا اور آخری میچ 10مئی کو نیوزی لینڈ سے میچ کھیلے گا۔ اذلان شاہ کپ کا فائنل گیارہ مئی کو کھیلا جائیگا۔قومی ہاکی ٹیم اذلان شاہ ہاکی ٹورنامنٹ میں شرکت کیلئے ملائیشیا چلی گئی۔قومی ٹیم اسلام آباد سے رات ڈیڑھ بجے کی فلائٹ سے ملائیشیا روانہ ہوئی۔کھلاڑیوں نے اذلان شاہ ہاکی ٹورنامنٹ کی تیاری کیلئے دو ہفتے اسلام آباد میں تربیتی کیمپ میں حصہ لیا۔