پھول نگر+ جمبر (نامہ نگاران)لیسکو ایکسین پھولنگر نوید احمد بھٹی کی ہدایت پر ہائیڈرو و لیبر یونین کے چیئرمین مشتاق احمد بھٹی اور رانا عارف کی طرف سے مزدور ڈے کے موقع پر پھولنگر ڈویژن میں تقریب ہوئی جس میں ایس ڈی او پھولنگر امجد اقبال‘ ایس ڈی او جمبر اعجاز الرحمان اورایس ڈی او پتوکی رورل محمد مدثر اور پھولنگر ڈویژن کے ملازمین نے شرکت کی اور افسروں نے مزدورں کے ساتھ اظہار یکجہتی کی اور مزدور ڈے موقع پر ریلی نکالی۔ ہائیڈرو سب ڈویژن مشتاق بھٹی اور رانا عارف نے کہا کہ معاشرے میں محنت کش طبقے کی عزت وقار اور حقوق کا تحفظ کئے بغیرترقی اور خوشحالی کا خواب شرمندہ تعبیر نہیں ہو سکتامزدوروں کا عالمی دن محنت کی عظمت اورقومی ترقی میں محنت کش طبقے کی اہمیت اور کلیدی کردار کو اجاگر کرتا ہے مزدوروں کی فلاح و بہبود اور ان کے تحفظ کیلئے موثر قانون سازی کرنا ہماری ترجیحات میں شامل ہے۔