شیخوپورہ (نامہ نگارخصوصی)مختلف واقعات میں 2 افراد کو قتل کر دیا گیا۔تھانہ صدر فاروق آباد کے نواحی گاؤں گجیانہ میں ملزمان نے دو ایکڑ اراضی کے لالچ میں 18 سالہ گلناز کو گلا دبا کر موت کے گھاٹ اتار دیا مقتولہ کی والدہ نصرت بی بی کی تحریری درخواست پر ضیغم وغیرہ 4 کے خلاف قتل کا مقدمہ درج کر لیا گیا مقدمہ مدعیہ نصرت بی بی کے مطابق ملزمان مظہر عباس اور ضیغم عباس نے 18 سالہ گلناز کو دو ایکڑ اراضی کے لالچ میں پھندا لگا کر قتل کر دیا اور ساتھیوں سمیت فرار ہو گئے پولیس نے ملزمان کے خلاف مقدمہ درج کر لیا۔ علاوہ ازیں گزشتہ روز لاری اڈا سید والا پر قائم لالجپال روٹی ہوٹل کے ملازم ولائیت اور سرفراز کا کسی بات پر معمولی جھگڑا ہوا اسی رنجش پر سرفراز نے سوئے ہوئے 45 سالہ ولائیت کو درانتی کے پے در پے وار کر کے قتل کر دیا۔ تھانہ سید والا پولیس نے مقتول کے کزن لیاقت علی کی مدعیت میں مقدمہ درج کر ملزم کو گرفتار کر لیا ۔