سازش کے تحت دینی جماعتوں کو الیکشن سے دور رکھنے کی کوشش کی گئی:مولانا سعید احمد
لاہور (خصوصی نامہ نگار) مولانا ڈاکٹر سعید احمد عنایت اللہ سے ٰ مولانا سید چراغ الدین شاہ نے مولانا زاہد افضل اور صاحبزادہ سید فاروق شاہ کے ہمراہ ملاقات کی۔ صاحبزادہ مولانا محمد بن سعید بھی موجود تھے۔ باہمی ملاقات میں پاکستان میں اسلامی بینک کاری کے فروغ، سودی نظام کے خاتمہ،اسلام کے عادلانہ نظام کے عملی نفاذ، عقیدہ ختم نبوت کے تحفظ، ملک میں قادیانیوں کی بڑہتی ہوئی مذموم سرگرمیوں، غزہ کی موجودہ صورتحال اور دیگر امور پر باہمی گفتگو ہوئی۔ انہوںنے کہا کہ ایک سازش کے تحت دینی قوتوں کو الیکشن کے موقعہ پر اسمبلی سے دور رکھنے کی کوشش کی گئی۔
