شمالی وزیرستان میں آپریشن، فائرنگ کا تبادلہ: 6 دہشت گرد ہلاک
راولپنڈی(اپنے سٹاف رپورٹر سے)ترجمان آئی ایس پی آر کے مطابق 3/4 مئی کی شب سکیورٹی فورسز نے شمالی وزیرستان ضلع میں دہشتگردوں کی موجودگی کی اطلاعات پر آپریشن کیا۔ آپریشن کے دوران دہشتگردوں اور سکیورٹی فورسز کے درمیان شدید فائرنگ کا تبادلہ ہوا جس کے نتیجے میں چھ دہشت گرد واصل جہنم ہوگئے ۔آپریشن کے دوران دہشگردوں کے ٹھکانے کو بھی تباہ کردیا گیا ترجمان آئی ایس پی آر کے مطابق ہلاک دہشتگرد علاقے میں سکیورٹی فورسز اور معصوم شہریوں کے خلاف کئی دہشتگردی کی کارروائیوں میں ملوث تھے۔ سکیورٹی فورسز ایریا میں سینٹائزیشن آپریشن کر رہی ہیں وہ ملک میں دہشت گردی کی لعنت کے خاتمہ کیلئے پرعزم ہیں ۔
