گوجرانوالہ (نمائندہ خصوصی)گوجرانوالہ میڈیکل کالج میں سالانہ چوتھی میڈیکل کانفرنس ’’جمکان2024ء‘‘ کا انعقاد کیا گیا جہاں شعبہ میڈیکل میں مہارت رکھنے والے پاکستان سمیت بین الاقوامی سپیکرز نے شرکت کی۔ میڈیکل کالج کے آڈیٹوریم میں منعقدہ تقریب میں ایکسپرٹ نے اپنے اپنے شعبہ جات میڈیسن، سرجری، گائنی، الائیڈ ہیلتھ سائنسز، ریڈیالوجی، امراض چشم سمیت دیگر شعبوں اور جدید علاج پر لیکچر دیا۔ پرنسپل میڈیکل کالج پروفیسر ڈاکٹر اقبال اور ڈائریکٹر ڈویلپمنٹ ڈاکٹر نوید شاہ کی خصوصی کاوش سے ’’جمکان2024ء‘‘ کا انعقاد کیا گیا جس میں ایم ایس ڈاکٹر ارشاد اللہ سمیت طلبہ و طالبات، نرسنگ سٹاف اور ڈاکٹروں کی بڑی تعداد نے شرکت کی۔ پوسٹ گریجویٹ طلبہ و طالبات سمیت تھرڈ ائیر ایم بی بی ایس فارما کے طلبہ و طالبات نے پوسٹل مقابلہ جات میں بھرپور حصہ لیا اور تقریب کو چار چاند لگا دیئے۔ ڈاکٹر عاصم سلیم شیخ سمیت دیگر شعبہ جات کے پروفیسر ڈاکٹرز نے بھی شرکت کی اور لیکچر دئیے۔