لاہور(سپورٹس رپورٹر ) انٹرنیشنل کرکٹ کونسل نے ویمنز ٹی ٹونٹی ورلڈکپ کے شیڈول کا اعلان کردیا۔ انٹرنیشنل کرکٹ کونسل نے اکتوبر میں بنگلہ دیش میں ہونیوالے ویمنز ٹی ٹونٹی ورلڈ کپ کے نویں ایڈیشن کے شیڈول کا اعلان کیا ہے۔ شیڈول کے مطابق پاکستان کرکٹ ٹیم گروپ اے میں آسٹریلیا، بھارت، نیوزی لینڈ اور کوالیفائر ون میں شامل ہے۔ گروپ بی میں جنوبی افریقہ، انگلینڈ، ویسٹ انڈیز، بنگلہ دیش اور کوالیفائر ٹو شامل ہیں۔ ویمنز ٹی ٹونٹی ورلڈکپ کا آغاز 3اکتوبر سے ڈھاکہ میں ہوگا، ایونٹ کا فائنل 20اکتوبر کو ڈھاکہ میں کھیلا جائیگا۔ پاکستان ٹیم 6 اکتوبر کو روایتی حریف ، 8اکتوبر کو آسٹریلیا، 11اکتوبر کو کوالیفائر ون اور 13اکتوبر کو نیوزی لینڈ کیخلاف میچ کھیلے گی۔