لاہور(سپورٹس رپورٹر) قومی کرکٹ ٹیم آئرلینڈ پہنچ گئی۔قومی ٹیم کے کھلاڑی لاہور سے براستہ دبئی اور پھر آئرلینڈ پہنچے ۔ شاداب خان اور حسن علی آئر لینڈ میں قومی ٹیم کو جوائن کریں گے جبکہ فاسٹ بائولر محمد عامر ویزہ کے اجرا میں تاخیر کی وجہ سے بعد میں سکواڈ کو جوائن کریں گے۔ دبئی سے ٹیم آئرلینڈ روانہ ہوگی جہاں وہ3 ٹی ٹونٹی انٹرنیشنل میچوں کی سیریز کھیلے گی، یہ میچز 10، 12اور 14مئی کو ڈبلن میں کھیلے جائیں گے۔ آئرلینڈ سے پاکستان کرکٹ ٹیم انگلینڈ جائیگی جہاں وہ انگلینڈ کیخلاف 4ٹی ٹونٹی میچوں کی سیریز کھیلے گی۔آئرلینڈ اور پاکستان کے درمیان تین میچوں کی ٹی ٹونٹی سیریز کے پہلے میچ سے قبل فروخت ہو گئے۔ آئی سی سی ٹی ٹونٹی ورلڈکپ کیلئے آئرلینڈ کی ٹیم کا اعلان کردیا گیا۔ 15 رکنی آئرش ٹیم کی قیادت جارح مزاج بیٹر پال سٹرلنگ کریں گے، آئرلینڈ کے ورلڈکپ سکواڈ میں تجربہ کار جارج ڈاکریل اور بلبائرن بھی شامل ہیں۔ مارک ایڈائر، روس ایڈائر، کرٹس کیمفر اور گیراتھ ڈیلنے بھی سکواڈ کا حصہ ہیں۔ گراہم ہیوم، جوش لٹل، بیری مک کارتھی، نیل روک، ہیری ٹیکٹر، لورکان ٹکر، بین وائٹ اور کریگ ٹکر بھی آئرلینڈ کی ٹیم میں منتخب ہوگئے۔