وزیرآباد (نامہ نگار) وزیر آباد ریلوے سٹیشن کے قریب مال بردار ٹرین کی بوگی پٹری سے اتر گئی۔ راولپنڈی لاہور ریلوے لائن پر 5 گھنٹے ریلوے ٹریفک معطل رہی۔ ریلوے انتظامیہ نے 5 گھنٹے بعد ہیوی مشینری کے ذریعہ پٹری سے اترنے والی بوگی کو ٹریک پر دوبارہ لا کر یارڈ میں منتقل کر دیا۔ وزیر آباد ریلوے سٹیشن پر موجود مال بردار بوگی ریلوے ٹریک سے اتر گئی۔ نالہ پلکھو کی جانب واقع آئوٹر شمالی کیبن کے قریب مال گاڑی کی بوگی ڈی ریل ہو گئی۔ 2 ڈاون  خیبر میل جو پشاور سے کراچی جا رہی تھی 4 گھنٹے کی تاخیر سے وزیر آباد سے روانہ ہوئی جبکہ 101 اپ ریل کار 1 گھنٹہ کی تاخیر سے روانہ ہوئی، کم و بیش 5 گھنٹے مین ریلوے لائن پر ریلوے آپریشن معطل رہا۔