سرائے مغل(نامہ نگار) ڈاکووں نے شہری سے موٹر سائیکل چھین لی۔موضع بلیر کا کا شتکار شعیب شفیع موٹر سائیکل پر واپس اپنے زرعی رقبہ پر جا رہا تھا کہ جب وہ موضع کچہ پکا کے قریب پہنچا تو پیچھے سے تین ڈاکو موٹر سائیکل پر آگئے اور دھکا دیکر شعیب کو گرا دیا۔شعیب جان بچانے کیلئے نزدیکی مکی کی فصل میں چھپ گیا جبکہ ڈاکو اسکی موٹر سائیکل لیکر فرار ہو گئے۔تھانہ سرائے مغل نے مقدمہ درج کرکے تفتیش شروع کردی۔