قصور: ملزموں کی فائرنگ سے شادی شدہ خاتون زخمی
قصور(نمائندہ نوائے وقت)مسلح افراد کی فائرنگ سے شادی شدہ خاتون زخمی ہو گئی ۔ نواحی چاہ سنڈیاں والا میں غلام مرتضٰی کی بیوی سدرہ بی بی گھر کے باہر جارہی تھی کہ دو نامعلوم موٹرسائیکل سواروں نے فائرنگ کردی جس وہ زخمی ہو گئی جبکہ ملزم فرار ہوگئے۔ زخمی کو ڈسٹرکٹ ہسپتال قصور منتقل کردیا گیا ہے۔ سدرہ کے خاوند غلام مرتضٰی کا اپنے رشتہ داروں صابر‘ یاسر‘ ناصر وغیرہ کیساتھ رقم لین دین کا تنازعہ چلا آ رہا تھا۔
