قصور (نمائندہ نوائے وقت)جاگو والا نہر کے قریب مبینہ پولیس مقابلہ ایک خطرناک ڈاکو زخمی حالت میں گرفتار، تین ساتھی فرار ہو گئے ۔پولیس  تھانہ سٹی پتوکی کے علاقہ میں 15 پر علی رضا نے اطلاع دی کہ 4 ڈاکو 30 ہزار روپے اور موٹر سائیکل چھین کر فرار ہو گئے ہیں جس پر تھانہ سٹی پتوکی پولیس نے فوری ریسپونڈ کرتے ہوئے جاگو والا نہر کے قریب ناکہ بندی کی اسی دوران ملزموں نے پولیس پارٹی کو دیکھ کر مختلف اطراف سے سیدھی فائرنگ شروع کر دی ڈاکوؤں کی اپنی فائرنگ سے ایک ڈاکو زخمی ہو گیا جس کو گرفتار کر لیا گیازخمی ڈاکو کی شناخت حیدر کے نام سے ہوئی زخمی ڈاکو کے ساتھی نے چند روز قبل پولیس کانسٹیبل علی جان کو دوران چیکنگ فائرنگ کر کے شدید زخمی کیا تھازخمی ڈاکو ریکارڈ یافتہ ہے جو تھانہ چھانگا مانگا پولیس کو متعدد وارداتوں میں مطلوب تھا کانسٹیبل علی جان کو زخمی کرنیوالے ملزم سمیت دیگر ملزموں کو بھی ٹریس کر لیا گیا ہے فرار ملزمان کی گرفتاری کیلئے سپیشل ٹیمیں تشکیل دے دی گئی ہیں ۔