شیخوپورہ (نمائندہ نوائے وقت)متعدد وارداتوں میں کئی شہری لٹ گئے۔ تھانہ خانقاہ ڈوگراں کے علاقہ میں ڈاکوؤں نے جناح پارک شیخوپورہ کے رہائشی احمد سلیم اور اسکے ساتھیوں سے 5 لاکھ 30 ہزار 454 روپے ‘ موبائل فونز چھین لئے ، احمد سلیم نے خانقاہ ڈوگراں پولیس کو کارروائی کیلئے تحریری درخواست دے دی،احمد سلیم کے مطابق وہ نجی کمپنی کا سیل مین ہے۔ خانقاہ ڈوگراں پولیس نے مقدمہ درج کر لیا، سی سی ٹی وی فوٹیج منظر عام پر آنے کے باوجود پولیس ملزموں کو گرفتارنہ کرسکی،متاثرین نے وزیراعلیٰ پنجاب،آئی جی پنجاب اور ڈی پی اوشیخوپورہ سے ملزموں کو گرفتار کر کے مال مسروقہ برآمد کرانے کا مطالبہ کیا ہے،تھانہ بھکھی کے علاقہ بریارانوالہ میں 2 ڈاکوؤں نے فلک شیر اورسبحان سے 5 ہزارروپے ‘ موٹرسائیکل بمعہ دودھ والے برتن اور موبائل فونز چھین لئے ۔ بھکھی پولیس نے مقدمہ درج کر لیا، تھانہ ہاؤسنگ کالونی کے علاقہ برج والا میں 3ڈاکو عبداللہ کی دکان میں گھس کر 50 ہزارروپے ‘ موبائل اوردکان میں موجود گاہک فیاض الرحمان سے اسکی موٹرسائیکل‘ موبائل ‘گھی اوردیگر سامان لے گئے۔ پولیس نے مقدمہ درج کر لیا۔