لاہور (نامہ نگار) ڈاکوؤں اور چوروں نے متعدد وارداتوں میں شہریوں سے لاکھوں روپے مالیت کی نقدی، زیورات، موبائل فون، موٹر سائیکلیں،گاڑیاں اوردیگرسامان لوٹ لیا۔ تفصیلات کے مطابق   ڈاکوؤں نے ڈیفنس کے علاقے میں حیدرکے گھر  گھس کر اہلخانہ کو یرغمال بناکر 5لاکھ  85ہزار روپے مالیت کی نقدی، طلائی زیورات، موبائل فون اور دیگر سامان، مغلپورہ کے علاقے میں نصیر اور اس کی فیملی کو یرغمال بنا کر3 لاکھ روپے مالیت کی نقدی اور زیورات، ہربنس پورہ کے علاقے میں حسنین سے ایک لاکھ روپے اور موبائل فون، اقبال ٹاؤن کے علاقے میں مجیب سے  52ہزار روپے اور موبائل فون، مانگا منڈی کے علاقے میں آفتاب سے 50ہزار روپے اور موبائل فون، مسلم ٹاؤن کے علاقے میں محمد شیراز سے 20 ہزار روپے اور موبائل فون، اسلام پورہ کے علاقے میں شاہد سے 8ہزار روپے اور موبائل فون لوٹ لیا۔ چوروں نے ڈیفنس، گرین ٹاؤن، باغبانپورہ کے علاقوں میں سے 4 گاڑیاں جبکہ مانگا منڈی، شفیق آباد، اسلام پورہ ، شادباغ، باغبانپورہ، مناواں اور باٹا پور کے علاقوں میں سے7 موٹرسائیکلیں چوری کر لیں۔