لاہور(سپورٹس رپورٹر)انگلینڈ ویمن نے پاکستان ویمن کو پہلے ٹی ٹونٹی میچ میں 53 رنز سے شکست دیدی۔ برمنگھم میں کھیلے گئے میچ میں انگلینڈ ویمن ٹیم نے ابتدائی 4 وکٹیں 11 رنز پر گنوانے کے باوجود 6 وکٹوں پر 163 رنز بنائے۔ کپتان ہیتھر نائٹ 49 رنز کے نمایاں رہیں، ایمی جونز نے 37 رنز بنائے۔ ڈینیئلی گبسن نے 41 اور صوفی ایکلسٹون نے 19 رنز بنا کر ٹیم کو بڑے ٹوٹل تک پہنچایا۔ پاکستان ویمن ٹیم 164 رنز کے تعاقب میں 19ویں اوور میں 110 رنز پر آؤٹ ہوگئی۔صدف شمس 35 اور گل فیروزہ 17 رنز بنا کر نمایاں رہیں۔ منیبہ علی نے 10، سدرا امین نے 9، سعدیہ اقبال 8، ندا ڈار نے 5، نتالیہ پرویز نے 4 اور رامین شمیم 2 رنز بناسکیں جبکہ طوبیٰ حسن اور وحیدہ اختر صفر پر آؤٹ ہوئیں۔سارہ گلین نے 4 ، لورین بیل نے 3 کھلاڑیوں کو پویلین واپس بھیجا۔ایمی جونز کو میچ کی بہترین کھلاڑی قرار دیا گیا ۔