گوجرانوالہ (نمائندہ خصوصی ) موٹر سائیکلوں کے درمیان ٹکر کے باعث زمین پر گرنیوالے نوجوان کو تیز رفتار ٹریکٹر ٹرالی نے کچل دیا ،ریسکیو اہلکاروں نے نعش اور مضروب کو ہسپتال منتقل کردیا ، تفصیلات کے مطابق جناح روڈ پر تیز رفتاری کے باعث دو موٹر سائیکلیں آپس میں ٹکرانے سے نامعلوم نوجوان زمین پر گر گیا اس دوران پیچھے سے آنیوالی ٹریکٹر ٹرالی نے اسے کچل دیا جسکے نتیجے میں شدید زخمی ہونیوالا نوجوان موقع پر ہی زخموں کی تاب نہ لاتے ہوئے جان کی بازی ہار گیا جبکہ واقعہ کی اطلاع پاکر ریسکیو اہلکار بھی جائے حادثہ پر پہنچ گئے جنہوں نے جاں بحق ہونیوالے نوجوان کی نعش کو ضروروی کاروائی اور دوسرے مضروب کو طبی امداد کی فراہمی کیلئے ڈسٹرکٹ ہسپتال منتقل کردیا ،تاحال متوفی کی شناخت نہیں ہو سکی۔