لاہور (نامہ نگار) ڈاکوؤں اور چوروں نے متعدد شہریوں سے لاکھوں روپے، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا ہے۔ تفصیلات کے مطابق ڈاکوؤں نے بادامی باغ میں شاہد کے گھر گھس کر اہلخانہ کو یرغمال بنا کر5لاکھ روپے، طلائی زیورات، موبائل فون اور دیگر سامان، باٹا پور میں فیصل اور اس کی فیملی سے 4 لاکھ روپے‘ طلائی زیورات، شاہدرہ ٹاؤن میں نصیر اور اس کی فیملی سے 4 لاکھ روپے‘ زیورات اور موبائل فون، شیرا کوٹ میں عمران سے 3 لاکھ 60 ہزار اور موبائل فون، گارڈن ٹاؤن میں اشفاق سے 3 لاکھ اور موبائل فون، لاری اڈا میں دانش سے 2 لاکھ اور موبائل فون اور زیورات‘ مغلپورہ میں ناظم سے 2 لاکھ اور موبائل فون، ٹاؤن شپ میں نصیر سے 46 ہزار اور موبائل فون لوٹ لیا۔ چوروں نے ڈیفنس، مانگا منڈی، گڑھی شاہو اور غازی آباد سے 4کاریں جبکہ نیو انارکلی، رنگ محل، مزنگ، لوئر مال، ٹائون شپ اور مناواں سے6 موٹر سائیکلیں چوری کر لیں۔