لاہور‘فیروزوالہ(نامہ نگاران)شہر کے مختلف علاقوں میں ڈاکوئوں ‘چوروں نے ڈکیتی اور چوری کی متعدد وارداتوں میں شہریوں سے لاکھوں روپے کی نقدی، زیورات، موبائل فون، موٹر سائیکلیں ،گاڑیاں دیگرسامان لوٹ لیا ۔ فیروزوالہ موٹروے سٹی کوٹ عبدالمالک کے قریب ڈاکوؤں نے مزاحمت پر گولی مار کر نوجوان طاہر کو ہلاک کر دیا۔ ڈاکوؤں نے ڈیفنس میں مراد احمد کے گھر گھس کر اہلخانہ کو گن پوائنٹ پر یرغمال بناکر ساڑھے 6لاکھ‘ زیوارات، موبائل فون دیگر سامان،اچھرہ میں قیوم سے ساڑھے 3 لاکھ‘زیوارت ‘ موبائل فون،غازی آباد میں یاسین سے ایک لاکھ ‘ موبائل فون،نشتر کالونی میں عابد سے 72ہزار‘گلشن اقبال فرقان سے 52ہزار‘موبائل فون، شیرا کوٹ میں نور احمدسے 20 ہزار ‘موبائل فون،راوی روڈ‘ سعد سے 8ہزار ‘ موبائل فون، فیکٹری ایریا میں جواد سے 3ہزار‘ موبائل فون لوٹ لیا ۔ چوروں نے ساندہ میں اعظم کے گھر سے 4لاکھ ‘ زیورات دیگر سامان چوری کرلیا ۔چوروں نے جوہر ٹاؤن، گلبرگ ‘ ساندہ سے 3کاریں جبکہ مانگا منڈی،شفیق آباد،اسلام پورہ، شادباغ، باغبانپورہ،مناواں، ستوکتلہ، گلشن اقبال ‘ راوی روڈ کے علاقے سے 9 موٹر سائیکلیں چوری کرلی ہیں۔