جنوبی وزیرستان، گھر میں دھماکہ، باپ، بیوی، 3 بچے جاں بحق
ڈی آئی خان (آئی این پی) جنوبی وزیرستان میں ایک گھر میں دھماکا ہوا، جس میں خواتین سمیت 5 افراد جاں بحق ہو گئے۔ پولیس کے مطابق جنوبی وزیرستان لدھا کے علاقے تنگی بدین زئی میں گھر کے اندر ہونے والا دھماکا آئی ای ڈی بم سے ہوا۔ خاندان حال ہی میں اپنے گھر شفٹ ہوا تھا۔ دھماکے میں جاں بحق ہونے والوں میں 2 خواتین بھی شامل ہیں۔ سرکاری ذرائع کے مطابق دھماکے میں جاں بحق ہونے والوں میں بنوت خان، بیوی، شاہ زیب اور بیٹی شامل ہیں۔ خیبر پی کے اسمبلی کے رکن آصف محسود نے جنوبی وزیرستان کے ایک گھر میں ہونے والے دھماکے کو ڈرون حملہ قرار دیا ہے۔ اسمبلی اجلاس میں اظہار خیال کرتے ہوئے آصف محسود نے مطالبہ کیا کہ واقعے کی تحقیقات کے لئے پارلیلیمانی کمیٹی تشکیل دی جائے اور اس میں ملوث عناصر کے خلاف کارروائی کی جائے۔
