لاہور (نامہ نگار) چوروں نے چوری و ڈکیتی کی وارداتوں میں متعدد شہریوں سے لاکھوں روپے‘ زیورات، موبائل فون،موٹر سائیکلیں،گاڑیاں اور دیگر سامان لوٹ لیا گیا۔ ڈاکوؤں نے جنوبی چھاؤنی میں سلیمان کے گھر  اہلخانہ کو یرغمال بناکرساڑھے6لاکھ روپے‘ زیورات، موبائل فون اور دیگر سامان،قائد اعظم انڈسٹریل اسٹیٹ میں جابر اور اس کی فیملی سے 3 لاکھ 35 ہزار روپے اور موبائل فون، شفیق آباد میں رجب سے 2 لاکھ 90 ہزار روپے اور موبائل فون، کاہنہ  میں عباس سے 2 لاکھ روپے اور موبائل فون، شادمان میں شہزاد سے ڈیڑھ لاکھ روپے اور موبائل فون،  باغبانپورہ میں عادل سے ایک لاکھ روپے اور موبائل فون، سمن آباد میں وکی سے 44 ہزار روپے اور موبائل فون لوٹ لیا اور فرار ہو گئے۔ چوروں نے نصیر آباد، غالب مارکیٹ، کاہنہ اور مانگا منڈی میں سے 4گاڑیاں، ہربنس پورہ میں سے رکشہ جبکہ مصطفی ٹاؤن، ہنجروال، جوہر ٹاؤن، کاہنہ، ڈیفنس اور فیصل ٹاؤن کے علاقوں میں سے 6موٹر سائیکلیں چوری کر لی ہیں۔