شیخوپورہ (نمائندہ خصوصی) تحریک انصاف کے رہنماء سنی اتحاد کونسل کے ایم پی اے چوہدری اویس عمر ورک نے کہا ہے کہ پنجاب حکومت کاشتکاروں سے گندم نہ خرید کر کسان دشمنی کا مظاہرہ کر رہی ہیں آزاد کشمیر کی طرح پنجاب میں بھی بجلی 3روپے یونٹ مقرر کی جائے حکومت آئی ایم ایف سے قرضہ صرف اپنی عیاشیوں کیلئے لیتی ہے قوم کو اس قرضے سے کوئی غرض نہیں ان خیالات کا اظہار انہوں نے ہاؤسنگ کالونی میں پارٹی کارکنوں سے خطاب کرتے کیا اس موقع پر چوہدری انیس ریاست ورک بھی موجود تھے ۔