لاہور ( سپورٹس رپورٹر) انٹرنیشنل کرکٹ کونسل کے ہیڈ آف سکیورٹی ڈیو مسکر نے گزشتہ روز نیشنل کرکٹ اکیڈمی کے دورے کے دوران پاکستان کرکٹ بورڈ کے چیف آپریٹنگ آفیسر سلمان نصیر اور دیگر حکام سے بات چیت کی۔ مسکر کا دورہ آئندہ آئی سی سی چیمپئنز ٹرافی 2025ء کی تیاریوں کا حصہ ہے جس کی میزبانی پاکستان فروری/مارچ 2025ء میں کرے گی۔این سی اے میں ہونے والی میٹنگ میں آٹھ ٹیموں کے ٹورنامنٹ کے ہموار اور کامیاب انعقاد کو یقینی بنانے کیلئے مختلف حفاظتی انتظامات اور پروٹوکول پر توجہ مرکوز کی گئی۔ سلمان نصیر پی سی بی کے دیگر حکام کیساتھ، مسکر کیساتھ تعمیری بات چیت میں مصروف، ایونٹ کیلئے حفاظتی اقدامات کو تقویت دینے  کیلئے بصیرت اور خیالات کا تبادلہ کیا گیا۔میٹنگ نے این سی اے میں موجودہ سکیورٹی انفراسٹرکچر کا جائزہ لینے اور ٹورنامنٹ کی توقع میں کسی بھی بہتری یا ترمیم کے بارے میں بات کرنے کا موقع بھی فراہم کیا۔غور طلب ہے کہ اس سے قبل انٹرنیشنل کرکٹ کونسل کے ایک وفد نے کراچی کے نیشنل سٹیڈیم، لاہور کے قذافی سٹیڈیم اور راولپنڈی کے کرکٹ سٹیڈیم میں ایونٹ کی تیاریوں کا جائزہ لیا۔ آئی سی سی کے وفد نے کراچی، لاہور اور راولپنڈی میں معائنہ کی گئی سہولیات پر اطمینان کا اظہار کیا۔ 8 ٹیموں کا ٹورنامنٹ دو ہفتوں تک جاری رہنے کی توقع ہے حالانکہ ابھی تک درست تاریخوں کی تصدیق نہیں ہوئی ہے۔یہ ایونٹ آٹھ سال کے وقفے کے بعد ہورہا ہے، 2017ء میں پاکستانی ٹیم فائنل میں بھارت کو شکست دیکر فاتح بنی تھی۔