لاہور(سپورٹس رپورٹر)پاکستان کرکٹ ٹیم کے کپتان بابر اعظم نے کہا ہے کہ آئرلینڈ کیخلاف سیریز سے کارکردگی میں بہتری آئی۔پہلے میچ کے بعد ٹیم کی بیٹنگ میں کافی بہتری آئی، انفرادی کارکردگی میں رضوان اور فخر نمایاں رہے۔ لوئر آرڈر میں افتخار احمد اور اعظم خان کی بیٹنگ خوش آئند ہے، آنے والی سیریز میں بھی آپ کو مثبت ارادے نظر آئیں گے۔ بائولنگ میں پہلے میچ کے بعد سینئر بائولرز نے ذمہ داری لی، عماد وسیم مشکل صورتحال میں بہت اچھی بائولنگ کر رہے ہیں، جو بھی پلان ہے اس پر اب عملدرآمد ہو رہا ہے۔ کوشش ہوگی کہ انگلینڈ کیخلاف اسی مومینٹم کو برقرار رکھیں، انگلینڈ کیخلاف اچھی کرکٹ دیکھنے کو ملے گی۔