آئی جی پنجاب نے 12پولیس افسروں ‘اہلکاروں کو غازی میڈلز سے نواز ا
لاہور(نامہ نگار)انسپکٹر جنرل پولیس پنجاب ڈاکٹر عثمان انور نے ڈاکوؤں، منشیات فروشوں، شرپسند عناصر سے مقابلوں میں زخمی ہونے والے پولیس افسران کی غازی میڈلز سے حوصلہ افزائی کی۔سنٹرل پولیس آفس میں منعقدہ تقریب میں آئی جی پنجاب ڈاکٹر عثمان انور نے 12 بہادر افسران و جوانوں کو غازی میڈلز سے نوازا۔ ڈاکٹر عثمان انور نے کہاکہ بہادر افسران و جوانوں نے اپنی جانوں کی پرواہ کئے بغیر مجرموں کا دلیری سے مقابلہ کیا،بہادرغازی افسروں کے نام سنٹرل پولیس آفس کی غازی وال پر کندہ کئے جائیں گے۔
