لاہور(نامہ نگار)سی سی پی او لاہور بلال صدیق کمیانہ کی ہدایات پر لاہور پولیس کے 345کانسٹیبلز کو ہیڈ کانسٹیبل کے عہدے پر ترقی دیدی گئی ہے۔سی سی پی او لاہور بلال صدیق کمیانہ نے ترقی پانے والے اہلکاروں کو مبارک باد دیتے ہوئے ان کے مستقبل کیلئے نیک خواہشات کا اظہارکیا ہے۔انہوں نے کہا کہ میرٹ اور سنیارٹی کے مطابق ان کانسٹیبلز کو ہیڈ کانسٹیبل کے عہدے پر ترقی دی گئی ہے۔ پولیس ملازمین کی ترقی اور ملازمت کے دیگر معاملات کو باقاعدگی سے نمٹایا جا رہا ہے۔ پولیس فورس میں میرٹ اور سنیارٹی کے مطابق پروموشنزکا سلسلہ متواتر جاری ہے۔ ترقی پانے والے اہلکار پہلے سے زیادہ محنت، فرض شناسی اور پروفیشنل ازم سے اپنے فرائض سر انجام دیں اورعوامی خدمت کو اپنا شعار بنائیں۔شہریوں کی خدمت و حفاظت میں کوئی کسر اٹھا نہ رکھی جائے۔ محکمہ پولیس کے افسران و اہلکار اپنی بہترین کارکردگی سے ادارے کی نیک نامی میں اضافہ کریں۔