لاہور (نامہ نگار) ڈاکوؤں اور چوروں نے ڈکیتی و چوری کی وارداتوں میں متعدد شہریوں سے لاکھوں روپے مالیت کی نقدی، طلائی زیورات، موبائل فون اور دیگر سامان لوٹ لیا۔ تفصیلات کے مطابق ڈاکوؤں نے ہنجروال کے علاقے میں ادریس کے گھر میں گھس کر 6 لاکھ روپے مالیت کی نقدی، زیورات، موبائل فون اور دیگر سامان، ڈیفنس کے علاقے میں نذیر اور اس کی فیملی سے ساڑھے 3 لاکھ روپے مالیت کی نقدی، طلائی زیورات اور موبائل فون، مانگا منڈی کے علاقے میں احمد سے 40 ہزار روپے اور موبائل فون، مزنگ کے علاقے میں تصور سے30 ہزار روپے اور موبائل فون، ٹاؤن شپ کے علاقے میں جمیل سے27 ہزار روپے اور موبائل فون، شالیمار کے علاقے میں احسن سے25 ہزار روپے اور موبائل فون، نواں کوٹ کے علاقے میں فرخ سے22 ہزار روپے اور موبائل فون، ہربنس پورہ کے علاقے میں فاطمہ سے گن پوائنٹ پر ہزاروں روپے نقدی اور موبائل فون، مصطفی ٹاؤن کے علاقے میں ولی سے 14ہزار روپے نقدی اور موبائل فون، انار کلی کے علاقے میں افضل سے 12ہزار روپے اور موبائل فون لوٹ لیا۔ چوروں نے سبزہ زار کے علاقے میں نصیر کے گھر سے ساڑھے4 لاکھ روپے مالیت کی نقدی اور الیکٹرانکس سامان چوری کرلیا۔ چوروں نے گلبرگ، گڑھی شاہواور راوی روڈ کے علاقوں میں سے 3 کاریں جبکہ شاہدرہ، نیو انارکلی، سمن آباد، لاری اڈا، مصطفی آباد، ہنجروال، داتا دربار اور مزنگ کے علاقوں میں سے 8موٹر سائیکلیں چوری کر لی گئیں۔