گوجرانوالہ (نمائندہ خصوصی )ڈپٹی کمشنر محمد طارق قریشی نے سینٹ جوزف سکول میں قائم بورڈ آف انٹرمیڈیٹ کے زیر اہتمام گیارہویں جماعت کے امتحانی مرکز کا اچانک دورہ کیا ، امتحانی مرکز میں عملے کی حاضری، صفائی، بجلی، سیکیورٹی، دستیاب سہولیات اور پیپرز کے عمل کا جائزہ لیا انہوں نے کہا کہ امتحانات طلبہ کی قابلیت جانچنے کا بڑا ذریعہ ہیں، امتحانات میں شفافیت قائم رکھنا ہماری ذمہ داری ہے، طلباء کو پرسکون ماحول کی فراہمی کیلئے تمام وسائل بروئے کار لائے جائیں اور امتحانی مراکز میں غیرمتعلقہ افراد پر کڑی نگاہ رکھی جائے، نقل کی روک تھام کیلئے فول پروف انتظامات کو یقینی بنایا جارہا ہے انہوں نے اس موقع پر طلبہ کی رولنمبر سلیپس،شناخت اور دیگر پڑتال کے عمل کا بھی جائزہ لیا۔