لاہور(سپورٹس رپورٹر)پاکستانی نژاد برطانوی مکائیل عبداللہ فٹبال پاکستان سکواڈ میں شامل ہو گئے۔ 18 سالہ مکائیل عبداللہ برطانوی کلب مینسفیلڈ ٹان کا حصہ ہیں۔ ان کا شمار برطانیہ میں بہترین ایشین فٹبالرز میں ہوتا ہے۔ نوجوان سٹرائیکر رواں ماہ کے آخر میں پاکستان ٹیم کو جوائن کر لیں گے۔ مکائیل عبداللہ سعودی عرب کیخلاف ہوم اور تاجکستان کیخلاف اووے میچ کیلئے دستیاب ہوں گے۔

پی ایف ایف اس سے قبل پاکستانی نژاد برطانوی آدم خان کی شمولیت کی تصدیق بھی کر چکا ہے۔انجری کی وجہ سے پچھلا میچ مس کرنیوالے اوٹس خان اور محمد فضل کی بھی ٹیم میں واپسی ہو گی۔ پاکستانی نژاد برطانوی عیسیٰ سلیمان حج کی ادائیگی کی وجہ سے دستیاب نہیں ہوں گے۔