لاہور(سپورٹس رپورٹر)قومی کرکٹ ٹیم کے سابق کپتان یونس خان نے کہاہے کہ پاکستان کے پاس کامیابی کا ہر جز موجود ہے، گرین شرٹس کے پاس ٹی ٹونٹی ورلڈکپ کے فائنل تک جانے کا پورا موقع ہے۔ پاکستان ٹیم کا کامبی نیشن ٹھیک لگ رہا ہے، انگلینڈ کیخلاف اگلے میچز ہیں ان میں دیکھ لیں جو کرنا ہے کرلیں، جن کو اب تک موقع نہیں ملا ان کو بھی دیکھ لیں۔پاکستان اور بھارت میچ ہمیشہ ففٹی ففٹی سے شروع ہوتا ہے ، جس میں صلاحیت کیساتھ اعصاب کا بھی مقابلہ ہے، جو اعصاب پر بہتر کنٹرول کریگا وہ کامیاب ہوگا۔ ہم نے ہمیشہ یہی کہا ہے کہ پاکستان بھارت سیریز ہونی چاہیے، بار بار کھیلیں گے تو ایک دوسرے سے پریشر کا ماحول بھی ریلیز ہوگا۔