شیخوپورہ (حاجی سلطان حمید راہی، ڈاکٹر شیخ جمیل اختر، سیف الرحمن سیفی) شیخوپورہ سرگودھا روڈ ماچھیکے کے قریب ایرانی تیل کی خرید و فروخت کے متعدد اڈوں کا انکشاف ہوا۔  ایرانی تیل پنجاب کے مختلف شہروں میں فروخت کیا جا رہا ہے۔ تاہم ایرانی تیل مافیا کیخلاف کوئی کارروائی یا کریک ڈاؤن نہیں کیا گیا۔ رپورٹ میں مزید انکشاف ہو ا  کہ ماچھیکے میں متعدد ڈبہ سٹیشن پر آئل ٹینکروں سے پٹرول چوری کرکے اس میں (سالویٹ کیمیکل)کا استعمال بھی وسیع پیمانے پر کیا جا رہا ہے۔  اس  دوران کئی مرتبہ خونی حادثات رونما ہو سکتے ہیں مگر کوئی بھی ادارہ  ڈبہ سٹیشنوں تیل چوروں کیخلاف کارروائی نہیں کر رہا۔  شیخوپورہ کے اردگرد سڑکوں پر بھی  غیر قانونی ڈپو  ہیں جہاں آئل ڈپوؤں سے بھر کر آنے والے ٹینکروں کو اندر داخل کرکے ان سے تیل چوری کیا جاتا ہے اور پیمائش کو پورا کرنے کی خاطر اس میں خطرناک کیمیکل سالویٹ استعمال کیا جاتا ہے۔