لاہور،شیخوپورہ(خبرنگار،نمائندہ خصوصی)کمشنر لاہور زید بن مقصود نے ضلع شیخوپورہ کا دورہ کیا۔ کمشنر لاہور کے ہمراہ ڈی سی شیخوپورہ ڈاکٹر وقار خان موجود تھے۔ ڈپٹی کمشنر شیخوپورہ ڈاکٹر وقار خان نے ریونیو، ڈویلپمنٹ، ایجوکیشن او ر ہیلتھ پر تفصیلاً بریفنگ دی۔ کمشنر لاہور نے زیر تعمیر شیخوپورہ حافظ آباد روڈ اور زیر تعمیر رسولنگر انڈر پاس شیخوپورہ کا دورہ کیا۔ کمشنر لاہور زید بن مقصود نے وزیراعلی پنجاب ستھرا پنجاب کے تحت ماڈل ولج میں صفائی کا جائزہ لیا۔ کمشنر لاہور نے ڈی پی ایس شیخوپورہ کے دورے کے دوران آٹزم سنٹر کا خصوصی معائنہ کیا۔ کمشنر لاہور کو بریفنگ میں بتایا گیا کہ چیف سیکرٹری پنجاب کی خصوصی ہدایات پر قائم آٹزم سنٹر میں آرٹسٹ بچوں کو بہترین تعلیمی ماحول فراہم کیا گیا ہے۔ بریفنگ میں بتایا گیا کہ وزیر اعلی پنجاب کلینک آن ویلز اور موبائل ہسپتال پروگرام کو رورل ایریاز میں خاصی پذیرائی ملی ہے۔ کمشنر لاہور نے کہا کہ خام اشیاء کی قیمتوں میں کمی کے ثمرات پراڈکٹس کی قیمتیں کم کراکے شہریوں کو ریلیف دیں۔ موٹروے اور جی ٹی روڈ پر فصلوں کی باقیات جلانے والوں کے خلاف کاروائیوں کو موثرترین بنایا جائے۔ ریونیو اہداف کا حصول متعلقہ اے سی کا اولین فرض ہے۔