لاہور(سپورٹس رپورٹر ) قومی ہاکی ٹیم نیشنز ہاکی کپ میں شرکت اور اسکی تیاریوں کیلئے ہالینڈ اور پولینڈ کے دورے پر چلی گئی ۔ نیشنز ہاکی کپ میں شرکت کرنیوالے18رکنی قومی سکواڈ کی قیادت عماد بٹ کررہے ہیں۔ قومی ٹیم پہلے مرحلے میں ہالینڈ جائیگی جہاں تربیتی کیمپ سمیت پریکٹس میچز کھیلے گی ۔ پاکستان دوسرے مرحلے میں 28مئی کو پولینڈ روانہ ہوگاجہاں وہ 31مئی سے شروع ہونیوالے نیشنز ہاکی کپ میں شرکت کریگا۔ گرین شرٹس پہلے میچ میں ملائیشیا کیخلاف مدمقابل ہوگی۔ پاکستان، پولینڈ، کوریا، ملائیشیا، فرانس، جنوبی افریقہ، کینیڈا، آسٹریا، نیوزی لینڈ کی ٹیمیں نیشنز ہاکی کپ میں حصہ لیں گی۔ تاخیر سے ویزے جاری ہونے کی وجہ سے ٹیم کی ہالینڈ روانگی تاخیر سے ہوی، قومی ہاکی ٹیم کے ہیڈ کوچ رولینٹ آلٹمنز نیدرلینڈز میں ٹیم کو جوائن کرینگے۔