لاہور(سپورٹس رپورٹر) پاکستان اور انگلینڈ کی خواتین ٹیموں کے درمیان ون ڈے سیریز کا دوسرا میچ بارش کی نذ ر ہوگیا۔ پاکستان ٹیم کی کپتان ندا ڈار نے ٹاس جیت کر بیٹنگ کا فیصلہ کیا۔ قومی ٹیم نے 6.5اوورز میں بغیر کسی نقصان کے 29رنز بنائے تھے کہ بارش شرو ع ہوگی ۔بارش کی وجہ سے پانی میدان میں جمع ہوگیا ۔ فیلڈگیلی ہونے کی وجہ سے امپائر زنے کھیل ختم کرنے کااعلان کردیا ۔پاکستان کی صدف شمس 18 اور سدرہ امین 7 رنز پر ناٹ آؤٹ ہیں۔ انگلینڈ ویمنز ٹیم نے پہلے میچ میں فتح سمیٹی تھی ‘میزبان ٹیم کو تین میچوں کی سیریز میں ایک صفر کی برتری حاصل ہے ۔ دونوں ٹیموںکے درمیان سیریز کا تیسرا میچ 29مئی کو کھیلا جائیگا۔