لاہور(سپورٹس رپورٹر)ٹی ٹونٹی ورلڈکپ سے چند روز قبل جنوبی افریقہ کیخلاف سیریز جیت کر ویسٹ انڈیز نے خطرے کی گھنٹی بجا دی۔روسٹن چیس نے ویسٹ انڈیز کو جنوبی افریقہ کیخلاف ٹی ٹونٹی سیریز میں فتح دلادی۔ روسٹن چیز نے 38 گیندوں پر 67 رنز کی  اننگز کھیلی جس کی مدد سے ویسٹ انڈیز نے جنوبی افریقہ کو 16 رنز سے شکست دی۔ویسٹ انڈیز نے تین میچوں کی سیریز میں 2-0 کی ناقابل تسخیر برتری حاصل کر لی۔ویسٹ انڈیز کے کپتان برینڈن کنگ (36) اور کائل میئرز (32) نے پہلے چھ اوورز میں ہوم ٹیم کو 51 رنز تک پہنچا دیا۔ کنگ 54 رنز بنا کرآئوٹ ہوئے ۔چیس 67 پر ناٹ آؤٹ رہے، ویسٹ انڈیز نے 207رنز بنائے ۔ نقابایومزی پیٹر، فیہلوکوایو اور لونگی نگیڈی نے دو دو وکٹیں حاصل کیں۔جنوبی افریقہ نے ہدف کے تعاقب میں اوپنرز ریزا ہینڈرکس اور کوئنٹن ڈی کاک نے 4.5 اوورز میں 81 رنز بنائے۔ ڈی کوک نے 17 گیندوں پر 41 رنز بنائے۔مہمان ٹیم آخری اوورز میں رن ریٹ کو برقرار رکھنے میں ناکام رہی اور 7 وکٹوں پر 191 رنز تک محدود رہی۔