ویسٹ انڈین کرکٹر جیسن ہولڈر ٹی20 ورلڈکپ سے آؤٹ
لاہور(سپورٹس رپورٹر)ٹی 20 ورلڈکپ سے قبل ویسٹ انڈین کرکٹر جیسن ہولڈر انجری کی وجہ سے ایونٹ سے باہر ہوگئے ہیں۔جیسن ہولڈر کاؤنٹی چیمپئن شپ میں انجری کا شکار ہوئے تھے، ویسٹ انڈین سکواڈ میں ہولڈر کی جگہ اوبید مک کوئے کو شامل کرلیا گیا ہے۔کرکٹ ویسٹ انڈیز نے ٹی 20 ورلڈ کپ کیلئے ٹیم میں پانچ ریزرو کھلاڑی بھی شامل کرلئے ہیں۔ہیڈن والش، آندرے فلیچر، فیبین ایلن، میتھیو فورڈ اور کائل مائرز ریزرو کھلاڑیوں میں شامل ہیں۔
