دوحہ سے آئرلینڈ جانے والی قطر ائر ویز کی پرواز میں شدید جھٹکوں سے 12 افراد زخمی
دوحا (نوائے وقت رپورٹ) دوحہ سے آئرلینڈ جانے والی قطر ایئرویز کی فلائٹ میں شدید جھٹکوں اور ہچکولوں کی وجہ سے 12 افراد زخمی ہو گئے تاہم طیارے کو باحفاظت ایئرپورٹ اتار لیا گیا۔ ڈبلن ایئرپورٹ سے جاری بیان میں کہا گیا کہ ترکیہ سے گزرتے ہوئے قطر ایئرویز کی فلائٹ کیو آر۔017 میں شدید جھٹکے آئے جس سے چھ مسافر اور عملے کے چھ افراد زخمی ہوگئے۔ فلائٹ اپنے مقررہ شیڈول سے کچھ دیر بعد اتوار کی دوپہر ایک بجے لینڈ کر گئی۔
