فیصل آباد ‘شیخو پورہ میں حالات سے تنگ 2افراد کی خود کشی
فیصل آباد‘شیخو پورہ ‘نواں کوٹ ‘فیروزوالہ (نمائندہ خصوصی‘نامہ نگارخصوصی‘نامہ نگاران) حالات سے دلبرداشتہ 2نوجوانون نے خودکشی کر لی۔سرگودھا روڈ پر 2 ج ب کا رہائشی آصف عرصہ دراز سے بے روزگار تھا ۔ غربت اور مہنگائی کے باعث گھر میں جھگڑے معمول بن چکے تھے۔ حالات سے دلبرداشتہ ہو کر آصف نے زہریلی گولیاں نگل لیں۔تشویشناک حالت میں ہسپتال منتقل کیا گیا مگر جانبر نہ ہو سکا۔تھانہ بھکھی کے علاقہ کھاریانوالہ کے قریب واقع سرگودھا جیوٹ مل کا ملازم ڈیوٹی نے حالات سے دلبرداشتہ ہوکراپنے کوارٹر میں جاکر خود کشی کرلی ۔ فخر عباس کوٹ سلطان جام پور کا رہائشی تھا۔
