لاہور( لیڈی رپورٹر ) وزیر تعلیم پنجاب رانا سکندر حیات نے کہا ہے کہ مسلم لیگ ن نے ملک کو دفاع میں ناقابل تسخیر بنایا اب تعلیم میں بھی ناقابل تسخیر بنائیں گے۔ انہوں نے مزید کہا کہ ایٹمی طاقت کا تحفہ دینے والی مسلم لیگ ن تعلیمی لحاظ سے بھی ملک کو طاقتور بنانے گی۔ پاکستان کو تعلیمی ترقی کی راہ پر گامزن کرنے کا مشن لے کر آئے ہیں۔ پاکستان کو تعلیم کی طاقت سے ہمکنار کر کے دنیا کا مقابلہ کریں گے۔   نواز شریف کی قیادت میں ملک کو ایٹمی قوت بنایا، تعلیمی قوت بھی بنائیں گے۔ پنجاب ڈیجیٹل انقلاب کی طرف جا رہا ہے۔ ٹیکنالوجی میں صوبہ پنجاب اپنی مثال آپ ہوگا۔ نوجوانوں کو آئی ٹی کی مہارات سے روشناس کرنے کیلئے اقدامات اٹھا رہے ہیں۔ نواز شریف کی قیادت میں سو فیصد خواندہ ایٹمی پاکستان ایک مستحکم ریاست بن کر ابھرے گا۔